Maria og Kular Røtur á Summar Festivalin

SF.FO

Klaksvík 10. - 12. august 2017
Facebook YouTube
Maria2017590x324

Maria og Kular Røtur á Summar Festivalin

Maria á Lakjuni og Kular Røtur spæla á Summar Festivalinum í august

Summar Festivalurin ger nógv burtur úr undirhaldi og aktivitetum til teir yngru gestirnar á festivalinum. Silvalandið, sum heldur til í báðum ítróttarhøllunum í Klaksvík, er miðdepil hjá børnunum á festivalinum, og har ber til at royna mangt og hvat og eisini uppliva framførslur av ymsum slagi.

Maria á Lakjuni og bólkurin Kular Røtur fara at framføra í Silvalandi á Summar Festivalinum.

Fuglfjarðagentan Maria á Lakjuni hevur givið tónleik út, sum hevur verið nógv at hoyrt, og hon hevur eisini framført víðahvar seinastu árini. Hon fer at syngja sínar kendu sangir fyri gestunum í Silvalandi.

Kular Røtur hava síðani aldarsskiftið givið føroyskum børnum og familjum frálíkar barnasangir á føroyskum máli. Rakul Ró, Beinir og hini í bólkinum fara á Summar Festivalinum at spæla teir góðu, gomlu og nýggjari sangir hjá Kulum Rótum.

Summar Festivalurin verður hildin í døgunum frá 10. til 12. august.