Tey øvunda Lukas Graham

SF.FO

Klaksvík 9. - 11. august 2018
Facebook YouTube
LukasGrahamGron590x324

Tey øvunda Lukas Graham

Lukas Graham sigraði so stórt á Grøn Koncert, at hinir tónleikararnir ivaleyst vórðu grønir av øvund, skrivar ummælari.

Lukas Graham hevði nógv ta bestu framførslun á Grøn Koncert í Valby um vikuskiftið. Tað heldur í øllum førum ummælarin á Ekstrablaðnum Thomas Treo.

Grøn Koncert er tónleikatiltak, har fleiri av fremstu donsku tónleikanøvnunum luttaka.

Ummælarin á Ekstrablaðnum gevur Lukas Graham fimm stjørnur fyri framførsluna og kallar hann stóra sigursharran á konsertini.

- Lukas Graham sigraði so stórt, at hinir tónleikararnir ivaleyst vórðu grønir av øvund, skrivar Thomas Treo.

Ummælarin heldur, at positivu vibratiónirnar sprændu út frá tí unga manninum í undirtroyggini, og hann heldur, at tað er ein fragd at uppliva ein danskanpoppsangara, sum veruliga dugir at syngja.

- Lukas má eiga nakrar milliónir í bankanum, men tað var einki samanlíknað við tað yvirskot, hann hevði í Valbyparkini, skrivar Thomas Treo.

Lukas Graham spælir á Summar Festivalinum, sum verður hildin í døgunum frá 6. til 8. august.