Alan Walker spælir á Vágsbø

SF.FO

Klaksvík 4. - 6. august 2022

Alan Walker spælir á Vágsbø

Eitt av stóru nøvnunum innan altjóða elektroniskan tónleik kemur nú á Summar Festivalin. 
Í 2020 var ætlanin, at Alan Walker skuldi framføra á Summar Festivalinum, men koronusmittan forðaði fyri hesum. Nú tvey ár seinni kemur norska superstjørnan á Vágsbø at undirhalda við sínum framúr elektroniska tónleiki, sum hevur hittað um allan heimin.
Alan Walker er heimskendur DJ og verður roknaður upp í heimselituna av teimum, ið framleiða og framføra elektroniskan tónleik. Hansara stóra gjøgnumbrot var risahittið »Faded«, og hann hevur síðan hittað við sangum sum »Alone«, »All Falls Down«, »Darkside«, »The Spectre« og fleiri.
Alan Walker hevur yvir 15 milliardir ljóð- og videostroymingar av sínum sangum, og hann hevur næstan 40 milliónir fylgjarar á sosialum miðlum. Hann hevur spælt á stórum tiltøkum kring allan heim, hevur samstarvað við nógvar kendar tónleikarar, og hann hevur vunnið fleiri heiðurslønir fyri sínar framleiðslur. Alan Walker hevur endurblandað tónleik hjá til dømis Bruno Mars, Avicii, Coldplay, Miley Cyrus og fleiri, og hann hevur spælt konsertir saman við eitt nú Justin Bieber, Rihanna og Kygo.