Killer Queen

SF.FO

Klaksvík 8. - 10. august 2019
Facebook YouTube

Killer Queen

Killer Queen er sonevndur tribute bólkur, sum ferðast kring allan heimin at spæla Queen-sangir. Ummælarar siga, at tað er sum at hoyra upprunaliga Queen spæla, og framførslurnar fáa framúr ummæli.

Forsangarin Patrick Myers er framúrskarandi sangari, og hann líkist Freddy Mercury í útsjónd og framferð. Hann er í front fyri Killer Queen, sum verður roknaður sum besti bólkur av sínum slagi og er eisini heiðraður fyri sínar framførslur.

Hetta seinasta árið hevur Queen veruliga sett sín dám á tónleikavinnuna og filmsvinnuna. Filmurin »Bohemian Rapsody« breiddi av nýggjum Queen og teirra sangir út til fólk kring heimin, og teir klassisku Queen sangirnir hava verið spældir sum í gomlum døgum.

Summar Festivalurin ætlar sær at feira stóra Queen árið við serligari fagnaðarkonsert á Vágsbø. Killer Queen fer at spæla sangir sum »We Are The Champions«, »Who Wants To Live Forever«, »Bohemian Rapsody«, »We Will Rock You«, »Radio Ga Ga«, »I Want To Break Free« og aðrar.

Hetta verður ársins syngið-við løta, sum fer at fagna ein av størstu rockbólkunum í søguni.