Swangah og Hamradun koma aftur

SF.FO

Klaksvík 6. - 8. august 2020
Facebook YouTube

Swangah og Hamradun koma aftur

Rappbólkurin Swangah og rockbólkurin Hamradun verða við, tá ið Summar Festivalurin verður hildin í Klaksvík í august.

Swangah er framfýsin rappbólkurin, sum gav sínar fyrstu sangir út í 2011. Teir hava yrkt, rappað og spælt, so tað stendur eftir hesi árini síðani. Swangah hevur nógv upp á hjartað, og teir bæði revsa og rósa í sínum eyðkendu rappsangum, sum eisini kunnu hava fangandi niðurløg. Swangah hevur fingið fleiri heiðurslønir fyri bæði tónleik og yrkingar, og nú eru teir til reiðar at taka Vágsbø aftur.

Hamradun blandar fólkatónleik og kvæði við munadygt gittarspæl og sevjumikið rockstev, og á odda fyri bólkin er mergjaði sangarin Pól Arni Holm. Hamradun hevði eina framúrskarandi framførslu á Summar Festivalinum í fjør, og teir eru til reiðar at endurtaka stóru løtuna á ársins festivali. Hamradun sum bólkur varð stovnaður í 2015, og umframt Pól Arna telur bólkurin eisini nakrar av okkara fremstu tónleikarum, sum hvør í sínum lagi hava verið virknir á føroyska tónleikapallinum í fleiri ár.